لتقدم الأمم قلنا حاجتين
الأولى : عمل جماعي من غير حقد ولا حسد
بل بكل الحب والوفاء
الثانية : الاخلاص لله والاتقان في العمل
ومحاسبة النفس للوصول الى
تلك المراتب العالية في المراقبة الذاتية
أما الثالثة : الصدق مع النفس والصدق مع الناس
وده اتكلمنا عنه كثيرا في رمضان احلى
فاذا لم تكن صادقا مع نفسك فلن تصل الى النجاح
واذا لم تكن صادقا مع الناس فلن تصل الى قلوبهم
وبذلك فلن تكون مؤمناً حق الايمان
والرابعة : النظام في كل شيء
في المواعيد وفي الملبس وفي الأكل والشرب
حتى في تنظيم الأحذية – أكرمكم الله - .
اليوم رأيت برنامج خواطر الجزء الخامس
للأستاذ / أحمد الشقيري والذي صوره في اليابان
لكي ينقل لنا صورة عن امة متقدمة ليس لنقلدها
ولكن لكي نرى مدى صحة حياتنا في كل المجالات
فاليوم كام عنوان الحلقة : جزم محترمة !
فالوضع هناك أنك اذا كنت داخلا مدرسة او قاعة رياضية
فانك تخلع نعالك او حذائك
وكله بنظام مرتب ومعين ومحدد
فذهب لمسجد في نفس المدينة التي يسودها النظام
فيرى العكس تماما
هناك أماكن مخصصة للأحذية
لا يضعونها فيها
وهم مسلمون يابانيون
فضحك ضحكنا
ثم تباكا فبكينا
يا أخي انت سايب كل حاجة ورايح تشوف انت بتحط الجزمة فين
ما ترميها ولا حتى متلبسهاش خالص
كل حاجة ولها مظهر
والمسجد هو أول علامة لديننا
نسيبه غير مرتب
ونقول يا عم هو ايه الفرق
ده في اليابان برده المسجد مش مرتب
للدرجة دي بقينا مشوهين تنظيميا
ليس لنا حتى مظهر نتباهى به
لا اله الا الله
على قد ما ضحكت على قد ما حزنت على حالنا
حدد نظام لحياتك والكلام ليا قبلكم
وعيش حياة صح تقابل ربك بيها
وتقول له يا رب أنا كنت عايش زي الناس
مش زي حاجات تانية
اسف بس للأسف أنا عن نفسي حياتي ليس لها قيمة حتى الآن
وبالتنظيم لكل شؤؤن حياتي
بدأت ألقى لها طعما مختلفا تماما
وأتشوق لطعم النجاح
كأني عطشان لاي حاجة حلوة أشوفها أو أعملها
انت أو انتي
حياتكم عاملة ازاي ؟
منظمة ومرتبة ؟
ولا اي كلام واديها ماشية ؟
دور جوا نفسك ورتبها ؟
رتب أفكارك ؟
رتب نشاطاتك ؟
رتب حياتك كلها
أكيد هتكون فخور وانت قدام رب العالمين
وتقابل النبي وتقول له أنا من أمتك
وانت فخور ورافع راسك
وأمتك تكون أول الأمم
ويا رب ينفعنا بكل العلوم
وينفع بينا كل الأمم
0 التعليقات:
إرسال تعليق