رمضــان أحلى

عن عائشة رضي الله عنها ، قالت : كان النبي صلى الله عليه وسلم

يقوم من الليل حتى تتفطر قدماه ، فقلت له ،

لم تصنع هذا يا رسول الله ، وقد غفر لك ما تقدم من ذنبك وما تأ خر ؟

( قال أفلا اكون عبدا شكورا ) متفق عليه

وعن عبد الله بن سلام رضي الله عنه ،

أن النبي صلى الله عليه وسلم قال :

( أيها الناس أفشوا السلام وأطعمو الطعام ،

وصلوا باليل والناس نيام ، تدخلوا الجنة بسلام )

رواه الترمذي وقال حديث حسن صحيح

اللهم جعلنا شكورين لنعمك .. حامدين لفضلك .. مقبلين لجنتك .. مدبرين عن نارك

قال رسول الله – صلى الله عليه وسلم – :

(نعمتان مغبون فيهما كثير من الناس ، الصحة والفراغ)

وانهاردة هنفضفض معاكم عن الفراغ اللي هو الوقت

الوقت اللي كلنا بنضيعه ومش عاملين حسابه

الوقت اللي ممكن لو استغلناه صح

نوصل لكل اللي احنا عايزينه

ونفوق من نومتنا الطويلة

نفسي الناس تتكلم وتقول أفكار نستغل بيها وقتنا

في مننا اللي مش لاقي وقت لانه دايما مش منظم

وفي مننا الللي الملل قتله بسكين المتعة الزائلة

لعب ولهو على طووول وبلا حساب

طيب و انتم عايزين ايه دلوقتي ؟؟

احنا في أول شهر كريم

يلا ننظم وقتنا

وننظم أنشطتنا

ونعمل كل اللي نفسنا فيه

بس واحنا منظمين

يا ربي لك الحمد على الصحة والوقت

يا ربي اجعلنا نستغل نعمل فقط لشكرك عليها

يا ربي صلي على محمد أفضل الصلاة واتم التسليم

ونلقاكم على خير

بسم الله

انا شاب عمري 18 سنة

في كلية عملية

حياتي مليانة بالاحباط واليأس

وفي نفس الوقت بيكون في أمل

بحاول أحدد هدفي بس مش عارف

مش عارف أوصل ليه فعلا

وساعات اعتقد اني خلاص كدة انا حددت هدفي

وفجأة ألاقي نفسي مبصتش قدامي ولا حتى خطوة

فأراجع نفسي واتوه تاني

وعايش في حلقة مفرغة كما شهدتم

ده انسان شاب

قدي وقدك

احنا نحترمته جدا لانه بيحاول

بس في حاجة ناقصة مهمة جدا

انت نيتك ايه في الموضوع ده

نيتك نجاح شخصي ؟؟

هتوصله في يوم من الايام

سواء فلوس او منصب او علم

نيتك اثبات نفسك ؟؟

هيحصل برده

نيتك ايه ؟؟؟

هل تتخيل لو نيتك لله

اللي بتقول في الصلاة الله أكبر

أكبر من كل شيء

الدنيا لاشيء بالنسبة له سبحانه

وهو غني عني وعنك

بس الانسان هو اللي محتاجله

وصدقني نجاحك ووصولك لهدفك ايا كان

معتمد على نيتك

لو نيتك كبيرة هتنجح نجاح كبير

ولو نيتك صغيرة

اهوه الحمد لله

تعالوا نراجع اعمالنا ونياتنا

ونرجع لله العظيم

وصدقووني هنلاقي كتيير بسبب النية بس

فما بالك بنية ومعاها اتقان واخلاص

وحاجات تانية كتير هنتكلم فيها بعد كدة باذن الله

اكيد في يوم هتكون كبيييير قد نيتك

ويا رب ننجح في الدنيا والاخرة ونفوز بكل ما فيهما

سلام عليكم

بسم الله الرحمن الرحيم

والصلاة والسلام على أشرف خلق الله

صلى الله عليه وسلم

اتفقنا امبارح ان كل واحد يشوف مجاله

ويتعلمه بطريقة صحيحة ويحاول انه يخدم أهله ووطنه وأمته

ومش لوحده .. لاء يحاول يعلم زمايله

وأي حد ممكن ينفعه بالعلم اللي ربنا وفقه فيه

وفي الوقت ده رسولنا الحبيب

أكيد هيكون مبسوط جدا ان في واحد من أمته بيتعلم وبينقل العلم ده

وأكيد ربنا هيكون راضي عنه

طيب انا فعلا خدت نية كبيرة اني اتعلم المجال الفلاني

وده هيون مثلا في ميكانيكا السيارت

وهدفي اني افتح مصنع متكامل للسيارات

مصري مئة بالمئة

مثـــــــــــــــــــــــلااااا

طيب وبعد ما قلنا ان العلم حاجة أكيد هتشرفك قدام

ربنا وقدام معلم البشرية عليه الصلاة والسلام

وكمان بعد ما نحدد المجال نحدد الهدف

ونشتغل عشان الهدف ده بس

ولو في اي عائق نستعين بالله ونهد الجبال عشان هدفنا ده

واي فرصة تيجي

سؤال واحد بس

هل ده هيفيد هدفي ؟؟

لو هيفيد خده من غير ما تتردد

لو مش هيفيد أوعى تاخده وبعدين تندم أشد الندم

وكمان ناخد بالنا من حاجة مهمة جدا

النفس البشرية تميل الا الطمع

أوعى تخلي هدفك فلوس

او جاه ومنصب

خلي هدفك دايما انك ترضي رب العالمين

وكل ده هييجي لو انت الرجل المناسب ليه

نكمل بكرة وكلام جديد

في نصرة الحبيب

عليه الصلاة والسلام