رمضــان أحلى

السلام عليكم

انتهينا تقريبا من نصف القرآن

وانتصف الشهر الكريم

وابتدينا سويا

نحاول نتفقه في قرآننا

كتابنا وحياتنا

والليلة سوف نقرأ

سورتي مريم عليها السلام

و طه عليه الصلاة والسلام

كل سنة وانتم طيبين

سأل أحد الحكماء

ما أغرب شيء عرفته في حياتك ؟

قال الانسان

وهو صغير يترقب الزمن لكي يكبر

وبعد أن يكبر يتوق لأيام الصغر

حقا حقا

فلما كنا صغيرين

كان نفسنا نكبر

ولما كبرنا

أعمل اي حاجة بس ارجع خامسة ابتدائي

وهو الزمن

وفجأة تلاقي نفسك كبرت بجد

وبقى عندك مسؤولية

وفجأة تاني تلاقيك

مسسنود بذرية

وفجأة تسلم نفسك للموت

وتقعد مستني ان ربنا يتوفاك

وليس أي أحد أرحم بك منه

ده سيناريو لحياة شخص

وكتيير ممكن يتشابهو

وكتيير ممكن يختلفوا

ممكن الانسان يموت رضيع

يموت طفل

يموت شاب

يموت رجل

يموت عجوز

تعددت الاسباب والاوقات والاعمار والموت واحد

هادم اللذات

مفرق الاحباب

وبعد الموت

هيكون شعارك

فرشي التراب

كلها حقائق

مؤمنون بها حق الايمان

بس قعدت أفكر

قلت ليه الموت ميكونش حاجة حلوة

وليه انتظاره يكون بسعادة وليست بخوف

ازاي يعني ؟؟

يعني لو هموت بعد يومين

ابقى سعيد ومش خايف

وعااااااااااادي

انت بتقول ايه ؟

ده مووووووووووووووووت

ربي هون علينا سكرات الموت

طيب عن اذنكم هعرض فكرتي

الموت هو بداية المرحلة الانتقالية من الدنيا الى الاخر

وكل نفس ذائقة الموت

بس ليه أخاف منه وانا مؤمن بالله

ماشي في خطا ثابتة للطريق الحق

عايش لله وفي الله

متيقن برحمة الله وبعذابه الشديد

لا أخاف في الله لومة لائم

نفسي أقابل ربنا

نفسي أرى وجهه الكريم

نفسي أدخل الجنة

نفسي اخرج من الدنيا على خير

لو فكرنا كدة وعملنا ما يرضي الله

في كل حياتنا

ليه نخاف من الموت

في الدنيا تجارب كتير صعبة وبتعدي

وغالبا بتعدي لانك ماشي صح

طيب الموت تجربة برده

وهتعدي لو انت ماشي صح

خليك شجاع

وواجه الموت عشان عارف ان ده أول لقائك برب العالمين

نلقاكم على خير

القلوب أنواع

قلب ميت لا يشعر بشيء ولا يحرك ساكنه أي آية من آيات الله

قلب حي بالايمان بالله ويرى الآيات فيقشعر بدنه من الخوف من الله

و يحركه رجاء من الله لبلوغ جنته برحمة ومغفرة منه

قلب متذبذب المشاعر

مش قادر يقرب لذنب أو صحبة سيئة أو بيئة غير قوية الايمان

ولا قادر يقرب أو من ربنا ويبقى شايفه في كل حياته

أكيد مفيش حد هيقدر يحكم انت أي قلب فيهم

غير انت ؟؟؟!!!!

وطبعا الله يعلم وينظر الى قلوبنا

ويعلم خائنة الأعين وما تخفي الصدور

لو قلبك اعمى ميت والعياذ بالله ان نكون كذلك

دور على نفسك وانظر في خلقك والمس دليل مادي

حتى تتيقن أن الانسان بلا رب العالمين لاشيء

وتيقن انك ضعييييييييف

شوية صداع بيخلوك هتتجنن

ونزلة معوية بتنيمك يومين متقدرش تعمل أي حاجة

ولا قوة ولا شباب

انت ضعيف ذليل لله

قلها وانت عزيز لانك مخلوق وعبد للعزيز

ولو قلبك حي استمر وتفكر في خلق الله

وأشعل في قلبك مشكاة من الايمان بالله

واجعل نور الله وحكمته في الخلق ضياءا لك في كل حياتك

أما القلب المتذبذب بين ذاك وذاك

افتح القرآن واقرأ وتعلم

اقرأ بسم ربك الذي خلق

اقرا طه .. ما انزلنا عليك القرآن لتشقى

تلك الايات جعلت عمر بن الخطاب

من الين القلوب وأحكمها وأعدلها

اقرأ سورة القيامة والرحمن والملك

اقرأ القرآن

وليكن لك يقينا في حياتك كلها

واهتم بالنوافل من الصلاة والصيام

ليكن الله بصرك وسمعك وحواسك كلها

ليكون كل عملك لله وفي الله

والله لا يريد ظلما للعباد

سبحانه وتعالى عما يشركون