هسألك سؤال ؟
خدت نية انك تتغير ؟
خدت نية انك تغير اللي حواليك ؟
في البيت او الشارع
في الكلية أو الجامعة
خد النية وتوكل واتقي واستعن بالله
وخلي طعم النجاح على طول في بالك
عشان تدنيك عطشان وتبقى عايز تشرب منه
لحد ما ربنا يفتح عليك
وخد بالك ان تغييرك هيوصلك لنجاح
ونجاحك هيوصلك برده لتغيير
ولو مش مقتنع اقرأ يلا نتغير ونغير 19
انهاردة هنتكلم في ايه ؟
حاجة اسمها التغيير والنفس البشرية
واعذروني لو المواضيع معقدة شوية بس هي مهمة جدا
التغيير له مراحل
حتى لما خلق الله الكون
خلقه في ستة ايام
وهو قدير على ان يخلقه في لحظة
ولكن كل شيء وله مقدار
هكذا خلق الله الكون ليعلمنا انه لا شيء في يوم وليلة
ومراحل التغيير مختلفة في العمر الوقتي
يعني ممكن أنا أتغير في صفة معينة سيئة لصفة جيدة في شهرين وشخص اخر في شهر
طيب ايه هي بقى المراحل دي ؟؟
احنا هنقولها ببساطة جدا جدا
المرحلة الاولى .. فكر وأدرك ما هي المشكلة المحتاجة للتغيير ؟
ولناخد مثلا انها سلوك أو عادة سيئة
ممكن انا يكون فيا صفة وحشة بس مش حاسس بيها
بس لو فكرت قليلا وادركت الصفة دي
هقدر اكمل بعد كدة في التغيير
المرحلة التانية .. النية القوية لتغيير هذا الشيء السيء
ودي وضحناها كتييير جدا
المرحلة التالتة : كون رؤيتك عن اللي عايز تكون عليه
يعني انا دلوقتي بكدب ساعات
وعايز أكون صادق فكررت فعلا اني اغيرها
هغمض عيني واتخيل موقف واتخيل صدقي هيكون ازاي
وأطبقه بعد كدة في حياتي
المرحلة الرابعة : القرار لتغيير ما أنا عليه
اتعود دايما اي حاجة في حياتك خد لها قرار
المرحلة الخامسة : اعتقد وتعلم و استوعب ونفذ وتوقع
اعتقد فيما سوف تتغير اليه
وتعلم الاسلوب المناسب
واستوعب الطريق المثلى
ونفذ باحكام
وتوقع ايه النتيجة وصورتك الذاتية الجديدة قدام الناس ايه هي ؟؟؟
يا رب تكون وصلت ليكم
وعلى فكرة هنتكلم على الصورة الذاتية هنا في موضوع التغيير لانها حاجة مهمة جدا جدا
المرحلة السادسة : استحقاق الصورة الذاتية الجديدة ليك
وتقول أنا فعلا اتغيرت
والناس لاحظت ده عليا
وأنا مبسوط من اللي وصلت له
يا رب يكون ربي قدرني اني اوصلكم الطريقة الصحيحة للتغيير
ويا رب كلنا نستفيد ونتغير ونغير بجد
وسلامو عليكو
0 التعليقات:
إرسال تعليق