العبادة عادة

فهمناها وهنطبقها

في كل حياتنا

هنعود أنفسنا على كل العبادات

استغفار ودعاء

وتر وضحى

صدقة من مال حلال

وهنكمل بقية العبادات

ونحاول نخليها كل حياتنا

لانها هتكون عاداتنا وتقاليدنا

يعني هتكون معاملاتنا

وكلنا نعرف قول الرسول عليه الصلاة والسلام

ان الدين المعاملة

ومعاملاتنا هي حياتنا

ومفيش حد فينا الا وفيه تصرفات خاطئة

وأخلاق حميدة تركها وبدلها بأخرى ذميمة

من انهاردة هنقول لاءة لأي تصرف سيء

وهندور على أي خلق نسيناه وفقدنا قيمته

للأسف الشديد معظم الناس

تقصر الايمان على العبادة المجردة

كالصلاة مثلا

ولكن مظهرك عبادة

ومعاملتك للناس عبادة

ونومك عبادة

تعالوا نغير فكرتنا عن عاداتنا

وناخد عهود على نفسنا

من انهاردة هكون انسان تاني

من انهاردة هحب كل الناس

وكل الناس هتشوفني واحد تاني

وزي ما قال الداعية / مصطفى حسني

امس في برنامجه قصة حب

لازم نركز على اللي قدامنا

على قلبه وبالحب نوصل لهدفنا

ومش نركز على الموقف

واننا لازم نطلع منتصرين فيه

لاننا ممكن نكسب قلب اي انسان

في موقف واحد باذن الله

مالك القلوب سبحانه وتعالى

يلا نعود نفسنا ان كل معاملاتنا

تكون كلها عادات حسنة

كلها حب ومحبة

وان حياتنا كلها تكون خير

ولازم نفهم ان معاملاتنا

هي كل ديننا

لان كل مسلم هو مثال للاسلام

يا رب كلنا تكون عاداتنا ومعاملاتنا

كلها في أحسن صورة

و خلق الرسول عليه الصلاة والسلام

كان القرآن

ربي اجعله خلقنا أجمعين

نشوفكم بكرة في عادة جديدة

ويا رب تتنفعوا بكل اللي بنقوله

سلام عليكم

0 التعليقات:

آمييييييييييييييييييين


اللهم إجعل عملنا صالحا و لوجهك خالصا و لا تجعل لاحد غيرك فيه شيئا
.........
اللهم لا تجعلنا جسرا يعبرون عليه الناس الى الجنه و يلقى بنا فى نار جهنم

قرآن يتلى آناء الليل وأطراف النهار

قولنا آرائك لرمضـان أحلى