السلام عليكم ورحمة الله وبركاته
منورين كلكم بنور رمضان
يا ربي لا تجعلنا ممن يقال لهم لاتفسدوا في الارض فنقول انما نحن مصلحون
ربي اجعلنا ممن يستمعون الى القول فيتبعون أحسنه
لا اله الا انت سبحانك انا كنا من الظالمين
من الليلة رمضان بدأ وقريبا هينتهي وهنقول ياااه ملحقناش نتهنى بيه
ومن الليلة هنحاول نشوف ديننا من رؤيتنا
ولكل دين كتاب
وهو مش اي كتاب
ده كتاب رب العالمين منزلا على رسوله الأمين ذكرا للعالمين
القرآآآآآآآن
طيب وبعدين .. الكلام ده قديم و سمعناه قبل كدة
انت عايز توصل لايه يعني من كلامك ده
هنحفظه كله في رمضان .. صعبة جدا
هنختمه 6 مرات .. عمر ده ما كان هدف صحيح
أمال ايه بقى .. انت كدة هتدوخنا واحنا صايمين يا عم
طيب هنسأل نفسنا سؤال
لما بيكون معانا كتاب تنمية بشرية او رياضيات او فيزياء ؟؟ !!
والمفروض انك بتتعلمه عشان تطبقه في حياتك أو عشان أو مجرد انك تتعلمه وتكون عارف مضمونه
طيب لو عايز تتعلم تنمية بشرية او اساسيات ادارة او علوم سياسية او مهارات اتصال وعرض
أتحدى نفسي واتحدى كل المفكرين ان يجدوا سوى القرآن يحتوي على كل هذا وأكثر
ايه رأيكم نتعلم من قرآنا اللي نسيناه و بعدنا عنه تمام البعد
وهجر القرآن ليس بالأمر البسيط والهين
وصدقوني هو الحل لكل المشاكل اللي ممكن تقابلك في الحياة
لانه اسلوب حياة متكامل فسبحان من أنزل هذا الكلام وحقا من لدن حكيم خبير
طيب كل الكلام ده كويس .. ممكن نعرف ايه المطلوب ؟؟!!
يعني مثلا هنختم القرآن ولا لاءة ؟؟ طبعا هنختمه ولو عايز أكتر من مرة
بس مع بعض هنختم مرة واحدة بس
وهنمشي بنظام معين لتلاوة وتدبر والتفكر في كتاب الله المجيد
اليوم ولحد مغرب أول يوم من الشهر الكريم هنقرأ من الفاتحة الى البقرة للآية رقم 176
بس مش أي قراءة .. لاء دي مذاكرة بالورقة والقلم أو على برنامج كتابة مثلا على الكمبيوتر وتكتب كل اللي انت تعلمته
وهنتناقش فيه في التعليقات ونحاول نوصل لكل اللي احنا عايزينه
وبعد المغرب كلنا هنقول كل اللي احنا اتعلمناه وفهمناه وأدركناه والآيات اللي أثرت فينا واللي فرحنا بيها
أرجو ان الهدف يكون وصل لكم ونقدر نحب قرآنا ونقرب من ربنا ونساعد في بناء أمة راحت أيامها من زماااان
ربنا يرجع لنا عزتنا .. آمين آمين آمين
2 التعليقات:
جزاكم الله خيراااا
واياك وجميع المسلمين
إرسال تعليق