السلام عليكم
يا رب تكونوا كلكم بخير وسعادة
امبارح قلنا كلام كتيير
وبعدين سألنا سؤال
الناس هتنوي على ايه ؟
ومفيش حد قال هينوي على ايه !!
و ممكن يكون الكلام كبير
ومفيش حد مصدق انه هيتغير بجد
وهيحس بكيانه
وبيقول في سره :
لاء أنا مش اللي بتدور عليه
مش أنا اللي هغير الكون
وهتيجي عليا يعني
ما كل الناس عايشة
وأنا عايش زي الناس
ممكن أكون انا الانسان ده
ويؤسفني بدموع من القهر
اني أقول لنفسي ولاي حد بالطريقة دي
انت ضعييييييييف
ودي أقل كلمة
ممكن توصف حالنا كأمة أو كشعب أو كمسلمين
فارحموا عزيز قوم ذل .. والله ذل
يلا بقى نشيل أكوام التراب اللي فوق عقولنا
بص حواليك وشوف
انت مش في اي بلد ولا اي وطن ولا دينك اي دين
مصر .. مهد العلوم بكل مجالاتها
لبنان .. روعة وجمال
مغرب .. لكي أساطير في حكاياتنا
جزيرة عربية .. مهد الاسلام
واسمحولي أضيف بلد بحبها ونفسي يرجع زمانها
الأندلس اللي غيرت وجه العالم كله
دور على كيانك في تاريخك وفي رسمك
وفي حياتك وكمان دور على نفسك
وحاول تلاقيها قبل فوات الاوان
حدد هدفك بجد من انهاردة بالورقة والقلم
ومتستهينش بالكلام ده
((وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ
وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ) (التوبة:105)
ده مش كلام أي حد ده كلام رب العالمين
سبحانك اللهم وبحمدك نستغفرك ونتوب اليك
0 التعليقات:
إرسال تعليق