بسم الله الرحمن الرحيم


اللهم صلي وسلم وبارك


على محمد وعلى آله وصحبه وسلم


هنبدأ كلامنا بسؤال بسيط


تفتكروا ايه اول حاجة بتقوم بيها الأمم ؟؟!!


تفتكروا الرسول الكريم عليه الصلاة والسلام


يكون فرحان بأمته وهي وضعها ايه بين الأمم ؟؟؟؟؟


في بلدنا دلوقتي بنقول معاك قرش تسوى قرش


وفي العالم معروف ان أمريكا أقوى دولة في العالم ؟


هل عشان معاها فلوس وبس ؟


وصدقوني الدنيا لا تمكث على حال


فغدا الصين هي الأولى على العالم


طيب وايه اللي مخليك متأكد كدة ؟؟ !!


أقول لكم حاجة واحدة بس


اللي بتقوم بيها الأمم


العلم والمعرفة


تيجوا ناخد عهد على نفسنا


كل شخص مننا له مجاله


في واحد في كلية هندسة


وطب وحاسبات وحقوق


واللي اتخرجوا وبيشتغلوا


مفيش مانع انك تشارك معانا


وتبقى ليك رسالة


وهدف كبير في الحياة


حتى لو كان انك تعلم اخوك او ابنك


وتقدمه عالم كبير


وتفضل جنبه لحد ما توصل لهدفك معاه


وتكمل رسالتك


وانت اللي في الكلية


خد علم انت بتحبه وشايف نفسك فيه


وانوي انك هتتعلمه مش عشان الشهادة


صدقني لو اتعلمته عشان ربنا


باذن الله وان اخذت حقك


هتتفوق وتعيش سعيد بعلمك


الللي نجحت بيه مع ربنا وفي مجالك كمان


طيب انت عمال تتكلم ومقلتش


ايه علاقة ده بنصرة الحبيب


هو انت لما تكون ناجح


وتكون امتك ناجحة في مجالك


وتسبق بيها كل الامم


نبيك مش هيكون فرحان بيك


وتنصره وتقول انا من أمة محمد عليه الصلاة والسلام


وتقول يوم القيامة انا هنا يا رسول الله


وتفرح بلقياه


وتعيش وتموت سعيد


وتعلي من مقام أمتك


طيب وهل انا اللي هعمل ده لوحدي ؟


أولا كل العلماء والمشاهير والعظماء


لم يكونوا شيئا الا بحلم بسيط


اشتغلوا له وحلموا بيه


وحققوه بس أكيد مش لوحدهم


فيد الله مع الجماعة


وابدأ بنفسك واتعلم


وعلم الناس واحلموا سوا


واشتغلوا سوا وبرده حققوا حلمكم سوا


واوعى ييجي اليوم اللي تقول فيه


أنا بقيت كذا وكذا


لازم تقول أمتي او بلدي او كليتي


أو بيتي أو أهلي


عيش للناس ولربنا


باذن الله هيتكتب ليك النجاح


ونجاحك هيكون على قد نيتك


فكل ما النية تكبر


النجاح يكون اكبر


انا عايز كل واحد يقول حلمه هنا


وواجه حلمك واشتغل له


وعيش سعيد دنيا واخرة


ونلقاكم على خير



السلام عليكم


ازيكم كلكم وايه اخباركم


انهاردة كان تاني يوم من الشهر الفضيل


وامبارح اتفقنا اننا نستغفر ربنا في كل مكان


في المواصلات ، بين الاذان والاقامة


في اي مكان وفي اي وقت وفي اي وضع


نايم ، قاعد ، ماشي ،


ولو حتى بتلعب كرة صدقني


أستغفر الله مش هتاخد كتير من وقتك


طيب يا رب ينفعنا بالفكرة دي ،


ويكتب لنا في كل خطوة مغفرة ورحمة من عنده


امبارح كان الاستغفار


تعالوا انهاردة نقول عبادة في غاية الأهمية


ايه يا أحلى رمضان .. أيه يا أحلى رمضان


هنقولك اهوه .. الدعااااء


أسهل طريقة للتواصل مع الله


أحلى وسيلة لرجاء رب العالمين


ذل نفسك لله و اشعر بوحدانيته


خصص وقت للصلاة


وأوقات للاستغفار


ووقت للعلم


ووقت للدعاء


واطلبوا وألحوا بالدعاء


وصدقوني هيستجيب


قال تعالى :
"وَإِذَا سَأَلَكَ عِبَادِي عَنِّي

فَإِنِّي قَرِيبٌ

أُجِيبُ دَعْوَةَ الدَّاعِ إِذَا دَعَانِ

فَلْيَسْتَجِيبُوا لِي وَلْيُؤْمِنُوا بِي

لَعَلَّهُمْ يَرْشُدُونَ"



وهو أقرب اليك من حبل الوريد


ادعي ربك واترجاه


ومتطلبش حاجة الا منه


ولو مظلووووم مفيش حد


أي حد


هيجيبلك حقك غير رب العالمين


وده مش هيكون الا بالدعاء


وادعيه وجرب وهتلاقي حاجتك مقضية


طول ما انت صادق مع الله


طيب ندعي امتى ؟


ياااااااااااااااااااه


ده أسهل حاجة وقت الدعاء


لانه سهل وبسيط ومتطلباته بسيطة جدا


تكون مؤمن بالله ورسوله ومالك حلال


و قولولي انتم بقى ايه الاوقات


اللي ممكن تدعو رب العالمين فيها


مستنينكم


لا اله الا انت سبحانك اني كنت من الظالمين


سلام عليكم



عن المغيرة بن شعبة رضي الله عنه


عن رسول الله - صلى الله عليه وسلم - قال :


( سأل موسى عليه السلام ربه ،


ما أدنى أهل الجنة منزلة ؟ قال :


هو رجل يجيء بعد ما أدخل ناس الجنة الجنة ،


فيقال له : ادخل الجنة ، فيقول :


أي رب كيف وقد نزل الناس منازلهم ،


وأخذوا أخذاتهم ؟ فيقال له :


أترضى أن يكون لك ذلك ومثله ومثله ومثله ومثله ،


فيقول في الخامسة : رضيت ربي ،


فيقول هذا لك وعشرة أمثاله ،


ولك ما اشتهت نفسك ، ولذت عينك .


فيقول : رضيت ربي ،


قال : ربي فأعلاهم منزلة ؟


قال : أولئك الذين أردت ،


غرست كرامتهم بيدي وختمت عليها ،


فلم تر عين ، ولم تسمع أذن ،


ولم يخطر على قلب بشر )


رواه مسلم.


فانظروا الى كرم ورحمة رب العالمين


بآخر من يدخل الجنة


ألا يستحق أن نكون عباد لله


شكورين لنعمته


فلا كلام او أفعال توفي


نعمة واحدة من نعم الله علينا


حمدا لك يا رب على نعمك


وصلاة على رسولك


عليه الصلاة والسلام


الهدف : الوصول لهدفنا من رمضان بحيث الوصول

الى رحمة ومغفرة رب العالمين في هذا الشهر الكريم

والوقوف على نقاط في كل حياتنا لتطوير

وتغيير مجتمعنا ليصبح واجهة اسلامية حقيقية

وانفاق الطاقات الشبابية كلها في الخير والعمل المفيد لبلدنا ولنفسنا

البرامج اليومي :

1) قرآني حياتي

2) كلام الحبيب

3) يلا نتغير ونغير

4) فضفضة

5) نصرة الرسول _ صلى الله عليه وسلم

6) العبادة عادة

7) موقف ورؤية وحكمة

كل يوم هنقول حاجة نستفيد منها ونفيد بعض كمان

ورأيكم لازم نسمعه وكل واحد يقول تجربته

ونوصل لاكبر استفادة من تبادل الآراء والتجارب

ونعيش مع بعض كل رمضان

وربنا يجمعنا في أعالي الجنان


عن حذيفة رضي الله عنه ، قال :

" صليت مع النبي – صلى الله عليه وسلم - ،

ذات ليلة فافتتح البقرة ، فقلت يركع عند المئة ،

ثم مضى ، فقلت يصلي بها في ركعة ، فمضى ،

فقلت يركع بها ، ثم افتتح النساء فقرأها ،

ثم افتتح ال عمران فقرأها ، يقرأ مترسلا ،

إذا مر باية فيها تسبيح سبح ، واذا مر بسؤال سأل ،

وإذا مر بتعوذ تعوذ ، ثم ركع ،

فجعل يقول سبحان ربي العظيم ،

فكان ركوعه نحوا من قيامه ،

ثم قال سمع الله لمن حمده ،

ربنا لك الحمد ، ثم قام طويلا قريبا مما ركع ،

ثم سجد فقال سبحان ربي الأعلى فكان سجوده قريبا من قيامه "

رواه مسلم.

عاداتنا هي حياتنا وأخلاقنا

ومن شب على شيء شاب عليه

تعالوا نحاول ان كل عاداتنا تبقى عبادة

سفر ، مذاكرة ، رياضة ، محاضرة ، نوم ، زيارات ،

مشينا في الشارع ، كلامنا مع الناس ، ابتسامتنا

كل ده وأكثر ممكن تاخد عليه ثواب كبير

بس النية تكون موجودة انك بتعمل ده بس عشان اللي خلقك

صدقوني هتلاقوا الحياة لها طعم جمييل ومختلف تمام الاختلاف

عن اللي بيعيش حياته لمجرد انه عايش

وهنا هنخلي العبادة من العادة

اللي عمرنا ما هنقدر نغيرها لاننا خلاص

هنكون متعودين عليها زي اي امر لا يمكن انك تغيره

وأول عبادة هنحاول مع بعض نخليها عادة

هي الاستغفار

عن الأغر بن يسار المزني رضي الله عنه قال :

قال رسول الله – صلى الله علييه وسلم – يا أيها الناس توبوا الى الله

واستغفروه فاني أتوب في اليوم مئة مرة ) رواه مسلم

اللهم انا نستغفرك ونتوب اليك

لو واقف في مواصلة هتقول المئة مرة

لو قاعد مسترخي في البيت

لو مستني محاضرة

لو مستني اقامة الصلاة

لو في مصلحة حكومية أو شؤون الطلبة

وفي اكتر من كدة بكتير

ممكن تردوا وتقولوا اوضاع كتيرة جدا غير دي

وبكرة نكمل مع بعض باذن الله

ورمضان كريم

آمييييييييييييييييييين


اللهم إجعل عملنا صالحا و لوجهك خالصا و لا تجعل لاحد غيرك فيه شيئا
.........
اللهم لا تجعلنا جسرا يعبرون عليه الناس الى الجنه و يلقى بنا فى نار جهنم

قرآن يتلى آناء الليل وأطراف النهار

قولنا آرائك لرمضـان أحلى