عن أبي هريرة عن النبي عليه الصلاة والسلام
( أن رجلا زار أخا له في قرية أخرى
فأرصد الله له على مدرجته ملكا )
رواه مسلم
وعنه رضي الله عنه عن النبي عليه الصلاة والسلام قال :
( سبعة يظلهم الله بظله يوم لا ظل الا ظله
امام عادل
وشاب نشأ في عبادة الله عز وجل
ورجل قلبه معلق بالمساجد
ورجلان تحابا في الله اجتمعا عليه وتفرقا عليه
ورجل دعته امرأة ذات منصب وجمال فقال : اني أخاف الله
ورجل تصدق بصدقة ، فأخفاها حتى لا تعلم شماله ما تنفق يمينه
ورجل ذكر الله خاليا ففاضت عيناه من الدمع )
متفق عليه
ربي اهدي بنات ونساء الاسلام
وشباب ورجال الاسلام
آميييييييييييييييييييييييييين
لا اله الا انت سبحانك انا ظالمين
هنكمل مع اخواتي البنات
بنات البلد الجدعان
اللي مترضاش على نفسها أي شائبة
ومتخافش ما دام هي ماشية في طريق ربنا
وهنكمل في حاجتين من شريعة الله
اولهما الحجاب
والثانية هي انتي دلوقتي أم ..
حتى الآن ةللأسف بنلاقي ناس ومعظمهم بيكونوا أجداد وجدات
مبيحبوش انجاب البنات
ودي طبعا عادة جاهلية قديمة
كله رزق من الله
طيب يالله عليكم في حد يقول لاي رزق لاء
وده من رب العالمين
وقرة عين للأم والأب
بتتولد البنت صغنونة
زي العسسسسسسسسسسسل
تكبر قدام عيون أهلها
تبلغ سن الرشد
فيأتي الحجاب أول خطوة
هو كدة بقى لازم تتحجبي
وفعلا بيتم الحجاب
في بنات كتييير بيفهموا بعد كدة انه فرض لان ربها بيصونها بيه
وفي بنات أكتر فاهمين انه مجرد عادة أو زي ما قالوا لينا واحنا صغيرين
طيب مهي لو عادة مهو ده كويس ؟
ما انتم عمالين تقولوا عايزن العبادة تبقى عادة متأصلة فينا
هنقولكم انه لما الاول تعرف انه عبادة تبقى بعد كدة عادة
لكن للأسف كثيرا منهن كش فاهمين ده على الوجه الصحيح
والحمد لله الحجاب بيزيد كل يوم عن يوم
طيب في مجتمعات تانية مسلمة ولكن الحجاب ليس متأصلا فيها
وأكيد حوالينا كتيييير
طيب انتي فكرتك ايه عنه ؟
هل هو تضييق وحر وخنقة وخلاص ؟؟ !!!!
ولا رسالة صون وعفاف من الله لكل نساء العالمين
وعفة وطهارة وتنزيه عن الشبهات
وتكريم وتجميل لصورة المرأة
صدقوني حتى الرجال يرون الجمال أكثر في المرأة المحجبة المحتشمة
لان الحياء هو كل جمال المرأة
وانت يا اخي اربح بذات الدين تربت يداك
انت كدة خلاص اضمن الجنة
باذن رب العالمين
نرجع لكلامنا عن صورة الحجاب
لو انتي أو اي حد حواليكي مش محجبة
خدي الخطوة عشان ربنا
وربنا هيزيدك جمال ورونق بالحجاب
وأرجوكم يا محجبات احنا هنا قلبنا عليكم
الحجاب ده لله وحده لا شريك له
لا عشان الناس تشوفه حلو
ولا عشان اشد بيه نظر الناس
في مثل بيقول كل اللي يعجبك والبس اللي يعجب الناس
كل اللي يعجبك لتتوى على عبادة الله
والبس اللي يعجبك وكمان لازم يعجب ويرضي ربنا
لانه لو محققش الشرط التاني اذا فهو مش عاجب غير نفسك بس
وان النفس لأمارة بالسوء
كلكن عارفين أشكال وأنواع وألوان اللبس في الزمن ده
تأكدي من انك متقية لله في حجابك
واتأكدي انه كل الخير للخير كله
فأنتي الخير كله
يا اختي ربي يعينك على طاعته
ونكمل بكرة في كلام برده لاختي
وانتي دلوقتي أم ؟؟؟ !!!!
ازاي ؟
هنشوف بكرة
والسلام عليكم
غمضت عينك وتخيلت نفسك ناجح
تخيلت احساس النجاح
تخيلت وطنك اسمه عالي
تخيلت أمتك عزيزة وسط الخلق
تخيلت المسلمين لهم كلمة في العالم
تخيلت نفسك بتصلي في المسجد الأقصى
يا رب آمييييييييييييين
لو دقت طعم النجاح في خيالك بجد
مش هتستنى دقيقة الا وانت بتسعى اليه
لانه أحلى احساس في الوجود
وطعمه احلى وأطعم من الشهد
بس خلي بالك كتييير الشهد ده بيبقى مر
لانك بنجاحك ما عملتش حاجة تفيد الناس
وترضي بيها رب العالمين
بل بالعكس
لما نجحت وكبرت بدأت متعرفش اصحابك
وتترفع عن أهلك واقربائك
وياما شفنا ناس بلا سبب تركوا اصدقاء عمرهم
وياما بسبب نجاح دمروا حياتهم
فاستعن بالله ولا تقل سوى لك الحمد يا رب
وعشان كدة هنكمل مسيرة النجاح
بطريقة وعبادة و وقرب من الله
وهي تقوى الله عز وجل
التقوى : هي أن تجعل بينك وبين عذاب الله وقاية
بفعل الاوامر وترك النواهي
لو انت متقي لله
في عملك ونجاحك
وعلاقاتك مع الناس
وحاطط ربنا في كل حاجة في حياتك
خليك دايما مساير لدنيتك واخرتك
وخليك على طول الوقت مع الله
لتعيش في الخير
وتموت على خير
احسن الله خاتمة اعمالنا
يااااااا رب
بدأنا امبارح في طريقنا لتقدم امتنا
ونصرتنا لرسولنا حق النصرة
لا بالدموع والشعارات
بل بالعمل الجاد الاخوي
وده اللي اتفقنا عليه امبارح
وتاني حاجة عشان نوصل لده
هو الاخلاص في العمل واتقانه
اتقان العمل صفة المؤمن
فليس مؤمنا من يهمل في العمل
عن أبي هريرة رضي الله عنه قال :
( قال رسول الله صلى الله عليه وسلم :
" إن الله لا ينظر إلى اجسامكم ولا إلى صوركم
ولكن ينظر إلى قلوبكم وأعمالكم "
رواه مسلم
فاذا كان قلبك صالحا
وعملك متقنا مخلصا لله
جزاك الله خيرا كثيرا
تخيل لو كل الناس متقنة ومخلصة في عملها
لأصبحت الدنيا غير الدنيا
والأحوال ليست كالأحوال
ولكن ظهر الىن غياب الضمير والغش والخداع
وعدم حب الناس بعضهم
فعن ابي هريرة أن رسول الله عليه الصلاة والسلام قال :
( من حمل علينا السلاح فليس منا
ومن غشنا فليس منا )
رواه مسلم
شيئان والنتيجة واحدة
حمل السلاح وهو امر ظاهرة خطير
والغش وهو امر ظاهره بسيط
ولكن الرسول عليه الصلاة والسلام يساويه هنا بحمل السلاح
لما له من خطر على المجتمع
كل شاب ورجل
كل فتاة وامراة
اتقنوا اعمالكم في وظائفكم
في بيوتكم .. حتى في شارعكم
ويا طلبة العلم اتقن عملك
كل هذه النصائح لنا قبلكم
وهنكمل بكرة مع باقي الصفات
وكل عام وانتم متقنين اعمالكم
Copyright 2009 - رمضــان أحلى
Blogspot Theme designed by: Ray Creations, Ray Hosting.
