رمضــان أحلى

بسم الله والصلاة والسلام على أشرف خلق الله

عليه أفضل الصلاة وأتم السلام

سألت نفسي امبارح وقلت

انت ايه علاقة كلامك عن

الهدف والنية وكمان مصالحة النفس

بنصرة النبي عليه الصلاة والسلام

ده الكلام ده تنمية بشرية أو حاجة زي كدة

ايه علاقته بالدين أساسا

وقلت انه ممكن الناس تسأل نفسها نفس السؤال

ومتلاقيش اجابة

طيب ما تيجوا ناخد رسولنا - عليه الصلاة والسلام -

مثال على الكلام ده

ازاي يعني ؟

هقولك ازاي وابقى قوللي

اقتنعت ولا لاء في التعليقات ؟؟ مستنيكم

لما قلنا انك تصالح نفسك

فدي أول حاجة عملها رسولنا الكريم

ازاي ؟؟

هو لما نزل عليه الوحي مبدأش بنفسه أولا

وآمن تمام الايمان وتوكل تمام التوكل

وبكدة صالح نفسه وصارت نيته لا تشوبها شائبة

وبعدين عزم النية الكبيرة

النية اللي حول بيها كفار مكة الأشداء

إلى قلوب لينة رقيقة

وأقرب مثال الفاروق عمر بن الخطاب

رضي الله عنه وأرضاه

وبعدين أكمل بأهله

ثم بأصحابه

وطبعا كان حاطط هدف كبير جدا جدا

اللي هو مفيش واحد على وجه الأرض

الا ولازم توصله دعوة الاسلام

بس تعالوا ناخد بالنا من حاجة مهمة

هو مش أول هدف الناس كلها

لا لا في أهداف مؤقتة ومرحلية في نفس الوقت

يعني بدأ بنفسه

وبعدين حط تاني هدف أهله

وتالت هدف أصحابه

وهكذا .....

حتى وصل لهدفه واللي هو ان في

دلوقتي مليار ونصف من المسلمين

قال تعالى : ( وما أرسلناك الا رحمة للعالمين )

ايه ده ؟؟ ده هو الكلام اللي كنا بنقول عنه تنمية بشرية

لاء ده من أكتر من 1400 كان الكلام ده الصحابة شايفينه ومتعلمينه

لان ده مش دين عادي

ده مش اي رسول ولا نبي عليه الصلاة والسلام

ومش اي كتاب وهو القران

أكيد كدة بقينا متأكدين اننا لو عملنا كدة

هننصر نبينا

نشوفكم بكرة في شيء جديد ننصف

بيه محمد عليه الصلاة والسلام

سلام عليكم

السلام عليكم

انهاردة وزي ما اتفقنا امبارح

هنتكلم عن صلاة الوتر

بعد ما قلنا ان في شوية حاجات

لازم تكون جزء من حياتنا زي العادة تماما

من غير ما افكر خلاص مبقتش اقدر معملهاش

وهم الاستغفار والدعاء وصلاة الضحى

يا رب كلنا نقدر نداوم عليهم

لانهم ممكن يكونوا سبب لرحمة ومغفرة رب العالمين

وسبب لقبولك في جنة الخلد

وتأكيد لكلامنا ده فعن عائشة رضي الله عنها

قالت : " كان رسول الله صلى الله عليه وسلم

يذكر الله تعالى على كل أحيانه "

رواه مسلم

فيا سلام لو بقينا زي الرسول في كل حياته

أكيد حالنا هيكون أحسن بكتيير

عن علي رضي الله عنه قال : ( الوتر ليس بحتم كصلاة المكتوبة ،

ولكن سن رسول الله – صلى الله عليه وسلم – قال :

" إن الله وتر يحب الوتر ، فأوتروا يا أهل القرآن " )

وهناك الكثير من الأحاديث التي تؤكد أنها سنة

من انهردة انا مش هنام قبل ما أصلي الوتر

وكلنا مش هنام غير لما نصليها

وننام وصلاتنا على رسولنا في لساننا

ربي اجعل شفاعة نبينا من نصيبنا

آمييين

عن أُبي بن كعب رضي الله عنه قال : كان رجل من الأنصار لا أعلم أحدا أبعد من المسجد منه ،

وكانت لا تـُـخطئه صلاة !

فقيل له : لو اشتريت حمارا ً تركبه في الظلماء وفي الرمضاء ، قال : ما يسرني أن منزلي إلى جنب المسجد ،

إني أ ُريد أن يـُــكتب لي ممشاي إلى المسجد ، ورجوعي إذا رجعت إلى أهلي ،

فقال رسول الله – صلي الله عليه وسلم - : ( قد جمع الله له ذلك كله ) رواه مسلم

ربي اجعلنا لا نخطئ صلاة

ربي اجعل الصلاة نبضا لقلوبنا

فلا اله الا انت سبحانك انا كنا ظالمين

يا جماعة لما الأذان يأذن

نسيب كل اللي في ايدينا

وننزل المسجد ونصلي ونحسن في الصلاة

كان الرسول وقت الصلاة لا يعرف أهله

مفيش كلام وقت الصلاة

حد يقوللي انت ايه اللي ممكن يشغلك ويشغلني عن الصلاة

والله كلها حاجات تتعمل بعد الصلاة

بس هيكون تركيزك اعلى وبالك مرتاااااح

ولو مجربتش جرب من انهاردة

ووقت الصلاة مفيش أي حاجة تمنعك

بس أوعى تاخدها حجة وتزعل أهلك

أو تعمل حاجة تغضب بيها ربنا

وانت رايح تؤدي أول فرض في الاسلام

خلي بالك واوعى تقع في الغلط ده

وخليك سعيد بوضوئك

ومشيك

وأدائك للصلاة

فأقرب ما يكون العبد من الله عند السجود

فأكثروا من سجداتكم

وصلواتكم على معلم البشرية

عليه الصلاة والسلام

ونراكم غدا على خير باذن الله