رمضــان أحلى

بسم الله

انا شاب عمري 18 سنة

في كلية عملية

حياتي مليانة بالاحباط واليأس

وفي نفس الوقت بيكون في أمل

بحاول أحدد هدفي بس مش عارف

مش عارف أوصل ليه فعلا

وساعات اعتقد اني خلاص كدة انا حددت هدفي

وفجأة ألاقي نفسي مبصتش قدامي ولا حتى خطوة

فأراجع نفسي واتوه تاني

وعايش في حلقة مفرغة كما شهدتم

ده انسان شاب

قدي وقدك

احنا نحترمته جدا لانه بيحاول

بس في حاجة ناقصة مهمة جدا

انت نيتك ايه في الموضوع ده

نيتك نجاح شخصي ؟؟

هتوصله في يوم من الايام

سواء فلوس او منصب او علم

نيتك اثبات نفسك ؟؟

هيحصل برده

نيتك ايه ؟؟؟

هل تتخيل لو نيتك لله

اللي بتقول في الصلاة الله أكبر

أكبر من كل شيء

الدنيا لاشيء بالنسبة له سبحانه

وهو غني عني وعنك

بس الانسان هو اللي محتاجله

وصدقني نجاحك ووصولك لهدفك ايا كان

معتمد على نيتك

لو نيتك كبيرة هتنجح نجاح كبير

ولو نيتك صغيرة

اهوه الحمد لله

تعالوا نراجع اعمالنا ونياتنا

ونرجع لله العظيم

وصدقووني هنلاقي كتيير بسبب النية بس

فما بالك بنية ومعاها اتقان واخلاص

وحاجات تانية كتير هنتكلم فيها بعد كدة باذن الله

اكيد في يوم هتكون كبيييير قد نيتك

ويا رب ننجح في الدنيا والاخرة ونفوز بكل ما فيهما

سلام عليكم

بسم الله الرحمن الرحيم

والصلاة والسلام على أشرف خلق الله

صلى الله عليه وسلم

اتفقنا امبارح ان كل واحد يشوف مجاله

ويتعلمه بطريقة صحيحة ويحاول انه يخدم أهله ووطنه وأمته

ومش لوحده .. لاء يحاول يعلم زمايله

وأي حد ممكن ينفعه بالعلم اللي ربنا وفقه فيه

وفي الوقت ده رسولنا الحبيب

أكيد هيكون مبسوط جدا ان في واحد من أمته بيتعلم وبينقل العلم ده

وأكيد ربنا هيكون راضي عنه

طيب انا فعلا خدت نية كبيرة اني اتعلم المجال الفلاني

وده هيون مثلا في ميكانيكا السيارت

وهدفي اني افتح مصنع متكامل للسيارات

مصري مئة بالمئة

مثـــــــــــــــــــــــلااااا

طيب وبعد ما قلنا ان العلم حاجة أكيد هتشرفك قدام

ربنا وقدام معلم البشرية عليه الصلاة والسلام

وكمان بعد ما نحدد المجال نحدد الهدف

ونشتغل عشان الهدف ده بس

ولو في اي عائق نستعين بالله ونهد الجبال عشان هدفنا ده

واي فرصة تيجي

سؤال واحد بس

هل ده هيفيد هدفي ؟؟

لو هيفيد خده من غير ما تتردد

لو مش هيفيد أوعى تاخده وبعدين تندم أشد الندم

وكمان ناخد بالنا من حاجة مهمة جدا

النفس البشرية تميل الا الطمع

أوعى تخلي هدفك فلوس

او جاه ومنصب

خلي هدفك دايما انك ترضي رب العالمين

وكل ده هييجي لو انت الرجل المناسب ليه

نكمل بكرة وكلام جديد

في نصرة الحبيب

عليه الصلاة والسلام

عن أبي بكرة رضي الله عنه قال : ( قال رسول الله صلى الله عليه وسلم :

" ألا أنبئكم بأكبر الكبائر ؟ قلنا بلى يا رسول الله .

قال : ( الإشراك بالله ، وعقوق الوالدين )

وكان متكئا فجلس ، فقال : ( ألا وقول الزور وشهادة الزور )

فما زال يكررها حتى قلنا ليته سكت .

متفق عليه

تعالوا نتخيل ان الرسول معانا دلوقتي

وواقف قدام باب محكمة

أو موجود معاك وانت كانوا بيسألوك عن شخص تعرفه

وقلت كلام سيء مش موجود فيه

او العكس تماما

ولو حتى في الحاجات العادية

ولما النبي عليه الصلاة والسلام

قال الاشراك بالله وعقوق الوالدين

هما حقا من كبار الذنوب

فبالشرك تطرد من رحمة الله

أما بالعقوق فكما تدين تدان

فيوما ما أولادك هيعملوا كدة برده

وهو طبعا ذنب لا يغفر

أما بقى شهادة وقول الزور

فعندما يعتدل الرسول من اتكائه

ويقوم جالسا قبل قولها

وعندما لا يقدر الصحابة على شيئ

سوا الشفقة على الرسول مما رأوه

على ملامح رسول الله عليه الصلاة والسلام

فقد كررها أكثر من مرة

يعني بالعربي عندنا

يا ريته ما اتكلم وييا ريتنا ما اتكلمنا معاه

فتخيلوا لما سيد البشرية ومعلمهم

يقف عند شيء بتلك الطريقة

فاذا هو شيء خطير

يترتب عليه تلبيس للحق بالباطل

وظلم كبييييير مش هتقدر تلحقه بعد كدة

فأي حد مننا شهد مرة شهادة ليست بحق

وظلم بيها ناس

يلحق نفسه قبل يوم عظيم

يوم ينكشف فيه ما في صدور الخلق

ويوم تبلى السرائر

فلا بد من وقفة مع هذا الموضوع تمام الوقفة

ونحاسب نفسنا قبل ما نتحاسب

وكمان نحاول نغيره في مجتمعنا

شكرا ليكم

وسلام عليكم ورحمة الله وبركاته