رمضــان أحلى

شهر رمضان فرصة جميلة

انك تعرف نفسك على حقيقتها

والصوم هدفه انك تصبر على نفسك

وتجاهدها بجد

والكلام ليا قبل ما يكون ليكم

كل انسان له نصيب من الذنوب

وشهر رمضان واحدة من اكتر من 10 مصفات

أو فلاتر بالعامية لتصفية الانسان من الذنوب

ممكن تطلع من رمضان معتوق من النار

وكمان مخلص نفسك الأمارة بالسوء

من كل الشوائب

اللهم اقسم لنا من خشيتك ما تحول به بيننا وبين معصيتك

الدعاء ده لو تحقق لنا جميعا

هنعيش في الجنة بس على الارض

ومش هينفع نوصل للتقوى دي

الا لما نجاهد نفسنا

والمجاهدة دي لها ثوابها

وثواب زي أو أعظم من ثواب المجاهدة في سبيل الله

وفي رمضان بالذات في عوامل مساعدة كتيير

أولها الصوم

ثانيا الدعاء

ثالثا قراءة القرآن

رابعا كثرة النوافل

خامسا كثرة فعل الخيرات

من صدقات وتبرعات

خد عهد على نفسك مع ربنا

وانتي كمان متخرجيش من رمضان

الا وانتي تائبية متقية لله

ربي اهدي بناتنا وبنات المسلمين

واهدينا واهدي شباب المسلمين

هنطلع انهاردة في ثاني ليلة بعد انتصاف الشهر

اننا هنخرج من رمضان بنفس نقية

يملئ قلوبنا تقوى الله

اللهم اننا نفوس ضعيفة فقوينا بعونك وكرمك

لا اله الا انت سبحانك انا كنا من الظالمين

امبارح قلنا اننا مش هنفوت

صيام اتنين وخميس

و من بعد رمضان

لاننا خلاص اتعودنا

وبرده انهاردة حاجة متعلقة برمضان

وهي تلاوة القرآن

كلام بقوله ليا قبلكم

مينفعش اننا نبقى في رمضان

بنختم القرآن مرة واتنين وتلاتة

وكل واحد له مقدرته

وبعد رمضان خلاص

لما ييجي رمضان الجاي

لاءة حرام علينا لما نكون كدة

وكدة فعلا يبقى اسمنا بس مسلمين

ربي ثبتنا في رمضان ومن بعد رمضان

كل يوم في ثوابت في حياتنا

شغلي

بيتي

رياضتي

صلاواتي

قرآني

قرائتي

وتختلف من شخص لاخر

بس اوعى تهجر قرآنك

كل يوم نص ساعة

ولا حاجة والله

ما احنا ياما بنضيع وقت في كل حاجة

حدد لك ورد

اختم القرآن كل شهر

كل عشرين

كل خمسة عشر يوم

كل عشرةتلات ايام ولا اقل من ذلك

كما قال النبي عليه الصلاة والسلام

خد عهد على نفسك اني من انهاردة

هتكتب عند ربنا من اهل القرآن

فييأتي لي يوم القيامة شفيع

ربي اجعل القرآن ربيع قلبي

ونور صدري وجلاء حزني وهمي

يا رب

عن علي بن ربيعة قال : شهدت علي بن أبي طالب رضي الله عنه

أتي بدابة ليركبها ، فلما وضع رجله في الركاب

قال : بسم الله فلما استوى على ظهرها

قال : الحمد لله الذي سخر لنا هذا ، وما كنا له مقرنين

وإنا إلى ربنا لمنقلبون

ثم قال : الحمد لله ، ثلاث مرات

ثم قال : الله أكبر ، ثلاث مرات

ثم قال : سبحانك إني ظلمت نفسي فاغفر لي

إنه لا يغفر الذنوب الا أنت ، ثم ضحك

فققيل : يا أمير المؤمنين ، من أي شيء ضحكت ؟

قال : رأيت النبي – صلى الله عليه وسلم –فعل كما فعلت ثم ضحك

فقلت فقلت : يا رسول الله من أي شيء ضحكت ؟

قال : إن ربك سبحانه يعجب من عبده إذا قال : اغفر لي ذنوبي

يعلم أنه لا يغفر الذنوب غيري )

رواه أبو داود والترمذي

لااله الا أنت سبحانك انا كنا من الظالمين

وإن لم تغفر لنا وترحمنا فإنا إذا لخاسرين

ربي اغفر لنا خطايانا فانه لا يغفر الذنوب الا انت

والسلام عليكم ورحمة الله وبركاته