رمضــان أحلى

عن أبي هريرة رضي الله عنه قال : سمعت رسول الله صلى الله عليه وسلم يقول :

( أرأيتم لو ان نهرا بباب أحدكم يغتسل منه كل يوم خمس مرات ،

هل يبقى من درنه شيء ؟ ) قالوا : " لا يبقى من درنه شيء ،

قال : ( فذلك مثل الصلوات الخمس ، يمحو الله بهن الخطايا )

متفق عليه

وعن أبي هريرة رضي الله عنه أن رسول الله – صلى الله عليه وسلم – قال :

" الصلوات الخمس والجمعة الى الجمعة ، كفارة لما بينهن

ما لم تغش الكبائر "

- أي ما لم ترتكب الكبائر -

رواه مسلم

مظنش ان في أكتر من كدة جزاء للصلاة

يعني بتغفر كل ذنوبك

وبيرتاح بالك

وبتكون مسلم بحق

بصلاة خفيفة لا تأخذ من وقتك كثيرا

ربي اجعلنا من المصليييييييييين الدائمين

آميييييييييين

ازيكم

أخبار رمضان معاكم ايه ؟

يا رب يكون فاتحة خير عليكم

المهم اني كنت قاعد انهاردة بفكر

وقعدت احلم شوية أحلام يقظة

لاني بحب اوي أستخدم خيالي

وأشوف اي حاجة أنا عايزها تحصل

حلمت ان كليتي تبقى الأولى في مجالها

حلمت ان بلدي تبقى مهد كل العلوم في عصرنا ده

حلمت ان كل الناس تبقى بتعامل ربنا في كل حياتها

وحلمت كمان ان كل حاجة في حياتنا تبقى مثالية

الشوارع نظيفة

مفيش فقر وناس محتاجة

مفيش الداء الوهمي .. البطالة

مفيش شباب ملوش هدف

مفيش ظلم للاسلام والمسلمين في كل الأرض

وحاجات كتيييييييييير

وبعديها فقت و بصيت حواليا

لقيتني محلك سر

يااااااااااااااااااااا رب

مبقتش عارف احمد ربي على نعمة التخيل

ولا مستخدمهاش تاني لاني لما بصحى بشوف كابوس

أستغفر الله .. أستغفر الله

ما تيجوا نحلم ..

ونحاول نحققه

ونعيش الحلم في الواقع

بعد الحلم الجميل ده

أذن العصر وقمت صليت

ورجعت لربنا فارتحت وطاب القلب

تعالوا نفضفض وتقولو أحلامكم

شباب وبنات

ونحاول نلاقي لها طريقة نحققها بيها

واوعوا تبطلوا تحلموا

لان انسان من غير حلم وهدف

زي المسافر بس من غير وجهة وصول

فلا الانسان هيوصل لحلمه

ولا المسافر هيرتاح من سفره

وهنفضل كما كنا وكما نكون

سلامو عليكو

ومستني كل واحد يقول حلمه

حتى لو كان بسيط اوي

أو كبير أوي