رمضــان أحلى

عن أبي بكرة رضي الله عنه قال : ( قال رسول الله صلى الله عليه وسلم :

" ألا أنبئكم بأكبر الكبائر ؟ قلنا بلى يا رسول الله .

قال : ( الإشراك بالله ، وعقوق الوالدين )

وكان متكئا فجلس ، فقال : ( ألا وقول الزور وشهادة الزور )

فما زال يكررها حتى قلنا ليته سكت .

متفق عليه

تعالوا نتخيل ان الرسول معانا دلوقتي

وواقف قدام باب محكمة

أو موجود معاك وانت كانوا بيسألوك عن شخص تعرفه

وقلت كلام سيء مش موجود فيه

او العكس تماما

ولو حتى في الحاجات العادية

ولما النبي عليه الصلاة والسلام

قال الاشراك بالله وعقوق الوالدين

هما حقا من كبار الذنوب

فبالشرك تطرد من رحمة الله

أما بالعقوق فكما تدين تدان

فيوما ما أولادك هيعملوا كدة برده

وهو طبعا ذنب لا يغفر

أما بقى شهادة وقول الزور

فعندما يعتدل الرسول من اتكائه

ويقوم جالسا قبل قولها

وعندما لا يقدر الصحابة على شيئ

سوا الشفقة على الرسول مما رأوه

على ملامح رسول الله عليه الصلاة والسلام

فقد كررها أكثر من مرة

يعني بالعربي عندنا

يا ريته ما اتكلم وييا ريتنا ما اتكلمنا معاه

فتخيلوا لما سيد البشرية ومعلمهم

يقف عند شيء بتلك الطريقة

فاذا هو شيء خطير

يترتب عليه تلبيس للحق بالباطل

وظلم كبييييير مش هتقدر تلحقه بعد كدة

فأي حد مننا شهد مرة شهادة ليست بحق

وظلم بيها ناس

يلحق نفسه قبل يوم عظيم

يوم ينكشف فيه ما في صدور الخلق

ويوم تبلى السرائر

فلا بد من وقفة مع هذا الموضوع تمام الوقفة

ونحاسب نفسنا قبل ما نتحاسب

وكمان نحاول نغيره في مجتمعنا

شكرا ليكم

وسلام عليكم ورحمة الله وبركاته

استكمالا لأطول سورة في القرآن

فسوف نكملها بكل ما فيها

الى الغد باذن الله

والتي لها الكثير الكثير من الفضائل

وفيها الكثير من الآيات الجميلة

وفيها أيضا كثيرا من أخبار بني اسرائيل

فمن الآن وحتى بعد صلاة التروايح لغد

نرجو منكم ان تتناقشوا وإيانا

في كل ما قد استفدتموه من هذه السورة الرائعة

والتي لا يدخل شيطان بيت تُقرأ فيه

ننتظر تعليقاتكم وحتى الغد للانتقال الى سورة آل عمران باذن الله

و اليكم بباقي البرامج وكله من

رمضان احلى

عن زيد بن خالد الجهني رضي الله عنه عن النبي صلى الله عليه وسلم

قال : ( من فطر صائما كان له مثل أجره غير انه لا ينقص من أجر الصائم شيئ )

رواه الترمذي وقال : حديث حسن صحيح

عن أنس رضي الله عنه ، أن النبي صلى الله عليه وسلم

جاء الى سعد بن عبادة رضي الله عنه ، فجاء بخبز وزيت ، فأكل ،

ثم قال النبي عليه الصلاة والسلام : ( أفطر عندكم الصائمون ،

وأكل طعامكم الأبرار وصلت عليكم الملائكة )

رواه ابو داود باسناد صحيح

سلام عليكم

تيجو نتكلم جد شوية

نبدأ ناخد خطوات ايجابية في حياتنا

نغير بيها من علاقتنا برب العالمين

علاقتنا بربنا متمثلة في الأشخاص اللي حوالينا

ازاي يعني ؟؟

طبعا كلنا عارفين ان الدين المعاملة

كما ذكر رسول الله عليه الصلاة والسلام

المفروض اننا كلنا دلوقتي حددنا علاقتنا مع ربنا عاملة ازاي ؟؟!!

ودي العلاقة الشخصية التي لا يعلمها الا الله وانت فقط

طيب ودي أكيد كل شخص عرف

هو واصل لفين في العلاقة دي وأكيد عايز يطورها

بس هنخلي القصة دي بالراحة

وعلى مهلنا

وهنبدأ بالحاجات الصغيرة اوي

اللي ممكن تضيع علينا أجر كبيير

بالذات في شهر عظيم زي رمضان

أخبارك مع قرايبك ايه ؟؟؟

في حد مقاطعك ؟؟!!

لو انت اللي مقاطعهم ؟؟ !! ؟؟ الحق نفسك وصلهم

ولو هما اللي مقاطعينك !!

( فإنما الواصل من يصل من قطعه )

فخد ثوابك

وصل رحمك أيا كان

وكا ده عشان خالق البرية كلها .

طيب علاقتك بأصحابك وزملائك ايه ؟؟

هل لمجرد المصلحة ؟؟

ولا عادي سلام وخلاص

وبعد كدة كل واحد في حاله ...

و بتحب فلان ليه ؟؟

هل هو حب لله وفي الله

بتقووا بعض على طاعة الله

وبتقدروا تغلبوا شيطانكم سوا

ايه ده ؟؟

انا اول مرة اسمع ان ده اساسا الهدف من الأصدقاء

وبعدين مهو زي ما بيقولوا الصاحب ساحب

وانا مقلتش حاجة زيادة عن كدة

قل لي من تصاحب أقل لك من انت !!

طيب بس في أصحاب انا مبحبهمش وبيمشوا معايا برده

وانا بكون مضايق جدا لانهم خلقيا مش قد كدة

طيب ما تحاول تسحبهم انت لمنطقتك وتخليهم زيك

بس باسلوب حلو

تشجيع وتحفيز مرة

وتخويف من ربك مرة

وحنية وانك تاخد بايديه مرة

وأكيد ما دام صديقك انت هتعرف تدخل له ازاي

يا ريت نراجع مع نفسنا

علاقتنا باقاربنا وأصدقائنا

فصلة الرحم تزيد العمر وتبارك في الرزق

والبركة انواع ممكن نتناقش فيها لاحقا باذن الله

بكرة باذن الله هنحاول نرجع علاقتنا

بكل الناس اللي قاطعناها بسبب وبدون سبب

وافتكروا دايما ان ربنا هيحبك أكتر كل

لما تنشر السلام والمحبة والابتسامة

على وجوه اللي حواليك

وأشوفكم على خير وسلام