رمضــان أحلى

بالأمس اتكلمنا عن صدقك مع نفسك

واتخيل معايا انك نجحت

ووصلت للهدف المرجو تحقيقه

تعرف توصف لي طعم النجاح ؟

تعرف تحس بيه عشان متتمهلش دقيقة في وصولك ليه ؟

طيب يا ترى اول ما هتنجح هتعمل ايه ؟

أول ما هتوصل لهدفك ؟

هقول الحمد لله

واشوف نعم ربي عليا

وأحاول أفرح اللي حواليا

وأبقى فرحان عشان عملت حاجة رضيت بيها ربي

ونصرت بيها ديني ووطني وأمتي

وأكمل في طريقي وأحدد اهداف جديدة

اعيش ليها ومهداش غير لما اوصلها

هصرخ في كل الناس

وأقوووول انا نجحت

ولله الحمد والمنة

طيب غمض عينك وتخيل انك نجحت فعلا

وحس بطعمه وقول الــــلـــــــــــــــــــــــــــــــه

تخيله وعيش عشان تنجح وتحدد هدفك

طيب هل للنجاح مقومات ؟

مقومات النجاح كتيييير

اخلاص لله

عمل جاد

حب الاخرين

قلب نقي مؤمن

تنظيم للوقت والاهتمامات

وغيرها كتيييير

تفتكر التغيير أهميته ايه للنجاح ؟

الاجابة بسيطة

كللللللللللللللللللللل حاجة

يعني لو متغيرتش مش هتنجح

ولو منجحتش مش هتتغير

ايوة ايوة شغل اللوغاريتمات ده

مش فاهم اي حاجة

هقولك اهوه .. صبرا صبرا

لو متغيرناش للاحسن

فاذا لا أمل اننا ننجح

لان النجاح نتيجة لعمل شاق

مغير لحقائق عملية في حياتنا

مثلا لو أحمد موظف في شركة

وأصبح بعد خمس سنوات مدير الشركة دي

ايه اللي عمله بالرغم انه له أصدقاء

موصلوش لما وصل له من النجاح

والاجابة بسيطة برده

انه بيغير من نفسه وبيطور من مهارتها

فمن اللازم ان الله عز وجل

يغير من مقامه وعمله وحياته كلها

أما الجزء التاني

اللي بيقول انك لو منجحتش مش هتتغير

طيب لو أحمد مبقاش مدير ( اللي هو النجاح )

هل هيحصله التغيير ده في وظيفته ( التغيير )

لاء طبعا مهو لو مبقاش مدير فهو كما هو على سابق عهده

طيب هلى التغيير ده هيساعده على النجاح بعد كدة كمان ؟

طبعا هيساعده جدا ويدله طاقة أكبر

إذا فهي زي ما بقولوا في الرياضيات

علاقة طردية

هتغير عشان انجح

وهنجح عشان اتغير

شفت بسيطة ازاي ؟

ربي اجعلنا من المصلحين في الأرض انك انت السميع العليم

السلام عليكم

انهاردة عبادتنا صعبة شوية

وهي درجات على حسب النفس

وهي مستحيلة على قلب لا يخشع

وعين لا تدمع

و قلب لا رحمة فيه

ايه العبادة دي ؟؟

هي التوبة

هي التوبة عبادة ولا فعل نتيجة ذنب ؟

يعني انا عملت ذنب

فتبت عشان ربنا يغفر لي

مش أكتر ولا أقل

لا لا لا لا

مش زي ما انت قلت تماما

الرسول عليه الصلاة والسلام

كان يستغفر الله ويتوب اليه في اليوم والليلة سبعين مرة

وده رسول الله الذي لم يذنب مرة

ولم يكن في قلبه مرض أبدا

وكان بيتوب لرب العالمين عشرات المرات

طيب يعني ايه توبة ؟

التوبة هي الندم على فعل الذنب

وده ابسط تعريف ليها

ولها شروط بسيطة وهي :

الندم على الذنب ( التعريف )

العزم على عدم العودة اليه

ولو كان الذنب متعلقا بحق لأحد

فلا تقبل التوبة الا بارجاع الحقوق الى أهلها

أي واحد بيكون عارف نفسه

ولازم يكون صادق مع نفسه

واكيد في ذنب لكل واحد مش قادر يتخلص منه

وكل ما يتوب يرجع له

وللاسف ذلك لنفسك وللمعصية دي

هتخليك متتحركش في اي اتجاه حتى لو بعيد كل البعد عنه

مثلا لو زوج بيعامل زوجته بطريقة سيئة

هتلاقيه مش عارف يتقدم في باقي جوانب الحياة

لا في الشغل ولا مع الناس

بس ده لو هو عارف فعلا انه ذنب

أما لو مش عارف فده هو الخسران المبين

لانه هيعيش ويموت وهو مش عارف يفهم نفسه

ولا يرضي ربنا والناس اللي حواليه

اللي عايزين نوصل له

انك متخليشش عائق بينك وبيين ربنا

وتوووووووووب الى الله

واستغفره قدوة بالنبي

وخلاصا لنفسك من ذنوبها وأوزارها

اللهم انا نستغفرك ونتوب اليك انك انت التواب الرحيم

يا رب خلصنا من امراض القلوب فانها كاسرةً للنفوس