رمضــان أحلى

عن زيد بن خالد الجهني رضي الله عنه عن النبي صلى الله عليه وسلم

قال : ( من فطر صائما كان له مثل أجره غير انه لا ينقص من أجر الصائم شيئ )

رواه الترمذي وقال : حديث حسن صحيح

عن أنس رضي الله عنه ، أن النبي صلى الله عليه وسلم

جاء الى سعد بن عبادة رضي الله عنه ، فجاء بخبز وزيت ، فأكل ،

ثم قال النبي عليه الصلاة والسلام : ( أفطر عندكم الصائمون ،

وأكل طعامكم الأبرار وصلت عليكم الملائكة )

رواه ابو داود باسناد صحيح

سلام عليكم

تيجو نتكلم جد شوية

نبدأ ناخد خطوات ايجابية في حياتنا

نغير بيها من علاقتنا برب العالمين

علاقتنا بربنا متمثلة في الأشخاص اللي حوالينا

ازاي يعني ؟؟

طبعا كلنا عارفين ان الدين المعاملة

كما ذكر رسول الله عليه الصلاة والسلام

المفروض اننا كلنا دلوقتي حددنا علاقتنا مع ربنا عاملة ازاي ؟؟!!

ودي العلاقة الشخصية التي لا يعلمها الا الله وانت فقط

طيب ودي أكيد كل شخص عرف

هو واصل لفين في العلاقة دي وأكيد عايز يطورها

بس هنخلي القصة دي بالراحة

وعلى مهلنا

وهنبدأ بالحاجات الصغيرة اوي

اللي ممكن تضيع علينا أجر كبيير

بالذات في شهر عظيم زي رمضان

أخبارك مع قرايبك ايه ؟؟؟

في حد مقاطعك ؟؟!!

لو انت اللي مقاطعهم ؟؟ !! ؟؟ الحق نفسك وصلهم

ولو هما اللي مقاطعينك !!

( فإنما الواصل من يصل من قطعه )

فخد ثوابك

وصل رحمك أيا كان

وكا ده عشان خالق البرية كلها .

طيب علاقتك بأصحابك وزملائك ايه ؟؟

هل لمجرد المصلحة ؟؟

ولا عادي سلام وخلاص

وبعد كدة كل واحد في حاله ...

و بتحب فلان ليه ؟؟

هل هو حب لله وفي الله

بتقووا بعض على طاعة الله

وبتقدروا تغلبوا شيطانكم سوا

ايه ده ؟؟

انا اول مرة اسمع ان ده اساسا الهدف من الأصدقاء

وبعدين مهو زي ما بيقولوا الصاحب ساحب

وانا مقلتش حاجة زيادة عن كدة

قل لي من تصاحب أقل لك من انت !!

طيب بس في أصحاب انا مبحبهمش وبيمشوا معايا برده

وانا بكون مضايق جدا لانهم خلقيا مش قد كدة

طيب ما تحاول تسحبهم انت لمنطقتك وتخليهم زيك

بس باسلوب حلو

تشجيع وتحفيز مرة

وتخويف من ربك مرة

وحنية وانك تاخد بايديه مرة

وأكيد ما دام صديقك انت هتعرف تدخل له ازاي

يا ريت نراجع مع نفسنا

علاقتنا باقاربنا وأصدقائنا

فصلة الرحم تزيد العمر وتبارك في الرزق

والبركة انواع ممكن نتناقش فيها لاحقا باذن الله

بكرة باذن الله هنحاول نرجع علاقتنا

بكل الناس اللي قاطعناها بسبب وبدون سبب

وافتكروا دايما ان ربنا هيحبك أكتر كل

لما تنشر السلام والمحبة والابتسامة

على وجوه اللي حواليك

وأشوفكم على خير وسلام

يقول الله تعالى:

﴿.. إن الله لايغير مابقوم حتى يغيروا مابأنفسهم

وإذا أراد الله بقومٍ سوءًا فلا مرد له ومالهم من دونه من والٍ ﴾[ الرعد:11]

تعالو في تمهيد لتغيير حياتنا

نتأمل الآية دي بتمعن

قبل ما نتأمل الآية

تعالوا نشوف أحوالنا في وطننا العربي الكبير

تعالوا نشوف أحوالنا كمسلمين

تعالوا نشوف أحوال بلادنا كل على حدا

تعالوا نشوف حال مصر

تيجي نشوف حال كليتنا

حال شارعنا

حال بيتنا

حال شبابنا

حال وقتنا

حال كل حاجة في حياتنا

هل هي محتاجة لتغيير فعلا ؟؟

هل أنفسنا محتاجة تغيير ولا احنا كدة تمام وزي الفل

ولو محتاجة التغيير ده

هنعمله امتى ؟؟

عشان ربنا يغيرنا لامة بجد نافعة في كل العلوم والميادين

بجد محتاجين نشوف آرائكم مكتوبة هنا في التعليقات

آرائكم وأفكاركم وتجاربكم

عشان نوصل لحاجة كويسة نحاول نمشي عليها طول حياتنا

ربي افتح علينا وأنت خير الفاتحين

وكل رمضان وانتم في تغيير

عن المغيرة بن شعبة رضي الله عنه

عن رسول الله - صلى الله عليه وسلم - قال :

( سأل موسى عليه السلام ربه ،

ما أدنى أهل الجنة منزلة ؟ قال :

هو رجل يجيء بعد ما أدخل ناس الجنة الجنة ،

فيقال له : ادخل الجنة ، فيقول :

أي رب كيف وقد نزل الناس منازلهم ،

وأخذوا أخذاتهم ؟ فيقال له :

أترضى أن يكون لك ذلك ومثله ومثله ومثله ومثله ،

فيقول في الخامسة : رضيت ربي ،

فيقول هذا لك وعشرة أمثاله ،

ولك ما اشتهت نفسك ، ولذت عينك .

فيقول : رضيت ربي ،

قال : ربي فأعلاهم منزلة ؟

قال : أولئك الذين أردت ،

غرست كرامتهم بيدي وختمت عليها ،

فلم تر عين ، ولم تسمع أذن ،

ولم يخطر على قلب بشر )

رواه مسلم.

فانظروا الى كرم ورحمة رب العالمين

بآخر من يدخل الجنة

ألا يستحق أن نكون عباد لله

شكورين لنعمته

فلا كلام او أفعال توفي

نعمة واحدة من نعم الله علينا

حمدا لك يا رب على نعمك

وصلاة على رسولك

عليه الصلاة والسلام